Nace en Rosario, Arxentina en 1975, onde se inicia no mundo do teatro e do circo. Máis tarde trasládase a Costa Rica, onde vive durante catro anos, profundizando na arte dos malabares.
En 2001 marcha a Lima, Perú, onde é bolseiro para estudar na Escola de Clown e Improvisación “Pataclaun”, dirixido por July Naters, onde gaña varios match de improvisación e vai desenvolvendo a súa carreira como clown.
A partir do 2004 empeza o seu traballo, xunto a Ana Santa Cruz e Renato Curci, na compañía “La Santa Rodilla”, dirixida polo prestixioso mimo e titiriteiro Hugo Suárez (Teatro “Hugo e Ines”). Con esta compañía actúan en varios festivais de teatro e títeres; 2007 e 2005 Titirimundi, en Segovia, Festival de Alcalá a Real, Festival de Títeres de Sevilla, Festival de Títeres de Redondela, Festival Cos, Girona, Festival de Títeres de Canela, no Brasil, e recentemente no Festival de Lleida, entre outras cidades da xeografía española e brasileira.
En 2006 comeza a traballar con Malgosia Szkandera, creando a compañía de teatro de figura “Teatro Dos Mundos”estreándose como director co recente espectáculo “Criaturas Particulares”.